Blogger இயக்குவது.
Loading...

Labels

இந்த கேஜெட்டில் பிழை உள்ளது.

Followers

இந்த கேஜெட்டில் பிழை உள்ளது.

Sociable

இந்த வலைப்பதிவில் தேடு













30 ஆகஸ்ட் 2010


உலகில் அதிகமாக உபயோகிக்கப்படும் மென்பொருட்கள், சமூக இணையத்தளங்கள் மற்றும் இதர சேவைகளின் பாவனையாளர்களின் எண்ணிக்கை தொடர்பான ஆய்வொன்றினை பிரபல நிறுவனமொன்று நடத்தியுள்ளது.

இப் புள்ளிவிபரம் தொடர்பாக கருத்து தெரிவித்துள்ள அந்நிறுவனம் இந்த எண்ணிக்கையானது தொடர்ந்து மாற்றமடைந்து வருவதனால் உத்தேச அளவில் இதனை வெளியிடுவதாக அறிவித்துள்ளது.

இப்புள்ளிவிபரமானது கடந்த கால அறிக்கைகள் மற்றும் ஆய்வுகளையும் அடிப்படையாகக் கொண்டது.

அதன் படி

1) டுவிட்டர் - 200 மில்லியன் பாவனையாளர்கள்.

பிரபல சமூக மற்றும் மைக்ரோ புளகிங் தளமான டுவிட்டர் வேகமாக மொத்தமாக 200 மில்லியன் பாவனையாளர்களைக் கொண்டுள்ளதுடன் வேகமாக வளர்ந்து வரும் ஒரு தளமாகும்.

2) விண்டோஸ் லைவ் மெசெஞ்சர் - 305 மில்லியன் பாவனையாளர்கள்

உலகின் மிகப்பெரிய மெசெஞ்சர் சேவையான இது, தற்போது ஸ்கைப் மற்றும் பேஸ்புக் என்பனவற்றினால் பெரிய பின்னடைவைச் சந்தித்து வருகின்றது.

3) பேஸ்புக்- 510 மில்லியன் பாவனையாளர்கள்

உலகில் தற்போது அதிகமாக பேசப்பட்டு வரும் தளம் இது. மிகவும் வேகமாக வளர்ந்து வரும் ஒரு சமூக வலைப்பின்னல் தளமுமாகும்.

4) ஸ்கைப் - 530 மில்லியன் பாவனையாளர்கள்

உலகில் அதிக பாவனையாளர்களைக் கொண்ட வி.ஒ.ஐ.பி எனப்படும் இணைய மூலமான தொலைபேசி சேவையினை வழங்கும் நிறுவனம் இது.

5) எபல் ஐ டியூன் - 800 மில்லியன் பாவனையாளர்கள்

அப்பிள் நிறுவனத்தின் இசைசார்ந்த மென்பொருளான இது, உலகம் முழுவதும் மிகப்பிரபலம் பெற்றது.

6) அடோப் பிளாஸ் - 1.5 பில்லியன் பாவனையாளர்கள்

அடோப் பிளாஷ், இணையத் தள பாவனையாளர்கள் பரவலாகப் பயன்படுத்திவரும் ஒரு மென்பொருளாகும்.
போக்குவரத்து நெரிசல் என்பது வளர்ச்சியடைந்த நாடுகள் தற்போது எதிர்நோக்கும் பாரிய பிரச்சினையாகும்.

வீதிப் போக்குவரத்து நெரிசலைக் குறைப்பதற்கும் பயணிகள் மற்றும் வாகனங்களின் வசதி கருதியும் நவீன பயணிகள் பஸ் ஒன்றினை சீனா அடுத்த வருடமளவில் பரீட்சார்த்தமாக வெள்ளோட்டமிடவுள்ளது.

சீனாவின் தலைநகரான சனத்தொகை நெரிசல் மிக்க பீஜிங் நகரிலேயே இது பரீட்சிக்கப்படவுள்ளது.

மேற்படி பஸ்ஸின் கீழ்ப்பாகம் அகன்று விரிந்த நிலையில் அமைக்கப்பட்டுள்ளது. இதன் காரணமாக இதற்கு கீழாகவுள்ள இடைவெளியில் கார்கள் மற்றும் 1.55 முதல் 1.6 மீற்றர் வரை உயரம் கொண்ட வாகனங்கள் பயணிக்க முடியும்.

இது 'ஸ்ட்ரட்லிங் பஸ்' என அழைக்கப்படுகின்றது.

இந்நவீன பஸ், கடந்த மே மாதம் சீனாவில் இடம்பெற்ற சர்வதேச 'ஐ-டெக் எக்ஸ்போ' கண்காட்சியில் பார்வைக்கு வைக்கப்பட்டிருந்தது.

சூரிய சக்தி மற்றும் மின்சாரத்தின் மூலம் இது இயங்குகின்றது. இதற்கான விசேட உபகரணங்கள் இதில் பொருத்தப்பட்டுள்ளன.

இதன் மேற்பாகத்தில் சுமார் 1200 முதல் 1400 பேர் வரை பயணிக்கலாம்.

மேலும் இதனுள் சூரிய ஒளி அதிகளவில் உட்புகுவதால் பயணிகள் தங்கள் மன உளைச்சலில் இருந்தும் விடுபட முடியுமென தெரிவிக்கப்படுகின்றது.

விபத்தொன்று ஏற்படின் அதிலிருந்து தப்புவதற்காக விமானங்களில் கடைப்பிடிக்கப்படும் நடைமுறையே இதிலும் பின்பற்றப்படவுள்ளது.

பெரிய அளவிலான வாகனங்கள் இதன் கீழ் பகுதியினுள் நுழையாமல் தடுப்பதற்காக விசேட சமிக்ஞைகளும் பொருத்தப்பட்டுள்ளன.

இது பாவனைக்கு வருமிடத்து, வீதி நெரிசல் பெருமளவில் குறையுமென சீன போக்குவரத்து அதிகாரிகள் கருத்து தெரிவிக்கின்றனர்.

27 ஆகஸ்ட் 2010

  


அமெரிக்காவைச் சேர்ந்த பிரபல தேடல் பொறி நிறுவனமான கூகுள், கணினியிலிருந்து தொலைபேசிக்கு அழைப்புகளை மேற்கொள்ளும் (பிசி டூ போன்) சேவையை நேற்று புதன்கிழமை ஆரம்பித்தது.

ஜீ-மெயில் எனப்படும் கூகுளின் மின்னஞ்சல் கணக்கினை பேணுவதன் மூலம், அதனூடாக எந்தவொரு தொலைபேசிக்கும் இந் அழைப்பினை மேற்கொள்ள முடியும். கூகுளின் வொயிஸ் சேவைப் பாவனையாளர்கள் தங்கள் வொயிஸ் கணக்கினை ஜீ-மெயிலுடன் இணைப்பதன் மூலம் இவ்வசதியை பெறமுடியும்.

மேற்படி சேவையானது கூகுளின் ஜீமெயில் மற்றும் கூகுள் வொயிஸ் போன்ற சேவைகளின் கலவையாக கருதப்படுகின்றது.

ஏற்கனவே இச்சேவையை ஸ்கைப் உட்பட பல நிறுவனங்கள் வழங்கி வருகின்றமை குறிப்பிடத்தக்கது.

அமெரிக்கா மற்றும் கனடா நாடுகளுக்கான அழைப்புக்கள் மேற்படி சேவை மூலம் 2011 ஜனவரி வரை இலவசமாக வழங்கப்படவுள்ளது.

மேற்படி சேவைக்காக ஒப்பீட்டளவில் மிகக் குறைந்த கட்டணத்தையே கூகுள் அறவிடவுள்ளதாகவும் தெரிவிக்கப்படுகின்றது.

இதற்கென ஜீமெயில் பாவனையாளர்கள் இலவசமாக தமக்கான பிரத்தியேக தொலைபேசி இலக்கத்தினைப் பெற்றுக் கொள்ள முடியும்.

ஏற்கனவே இச்சேவையில் பிரபல்யம் பெற்று விளங்கும் ஸ்கைப் நிறுவனம் உலகளாவிய ரீதியில் 560 மில்லியன் பதிவு செய்யப்பட்ட வாடிக்கையாளர்களைக் கொண்டுள்ளது.

பிரஸ்தாப சேவையானது ஜீ-மெயிலுடன் இணைக்கப்படுவதால் யாஹூ மற்றும் மைக்ரோசொப்ட் மின்னஞ்சல் கணக்குகளுக்குச் சிறந்த போட்டியாகத் திகழும் எனத் தெரிவிக்கப்படுகின்றது.

இணையமூல தொடர்பாடலுக்கான உயர்ரக ஓடியோ மற்றும் வீடியோ மென்பொருட்களை உருவாக்கும் ஜீஐபிஸ் நிறுவனத்தைக் கொள்வனவு செய்ய அண்மையில் கூகுள் மேற்கொண்ட ஒப்பந்தமும் 'கிஸ்மோ5' வை கையகப்படுத்தியமையும் கூகுளின் போட்டியாளர்களை அதிர வைத்துள்ளமையை எவரும் மறுக்க முடியாது.

'ஒலிவ் டெலிகொம்' என்பது இந்தியாவில் உள்ள பிரபல தகவல் தொழில்நுட்ப சாதனங்களை உற்பத்தி செய்யும் ஒரு நிறுவனமாகும்.

'ஒலிவ் ஸிப்புக்' எனப்படும் இந்தியாவின் முதலாவது 3ஜி தொழிநுட்பத்துடன் கூடிய ' நெட் புக்' மற்றும் 'ஒலிவ் விஸ்' எனப்படும் இந்தியாவின் முதலாவது 3 'சிம்'களைக் கொண்டு இயங்கக் கூடிய கையடக்கத் தொலைபேசி என்பன இதன் முக்கிய தயாரிப்புக்களாகும்.

இந்நிலையில் அந்நிறுவனம் இந்தியாவின் முதல் 3.5 ஜி தொழில்நுட்பத்தில் இயங்கும் 'டெப்லட்' ரக கணினியை அண்மையில் அறிமுகம் செய்தது. கையடக்கத் தொலைபேசியாகவும் உபயோகிக்க முடியுமென்பதே அதன் சிறப்பம்சமாகும்.

'ஒலிவ் பேட் விடி 100' என இவ்வுபகரணம் அழைக்கப்படுகிறது. இது 7 அங்குல தொடுந் திரையைக் கொண்டுள்ளது.

'கூகுளி'ன் 'அண்ட்ரோயிட்' இயங்கு தளத்தினைக் கொண்டு இயங்குகின்றமை இதன் மற்றுமொரு சிறப்பம்சமாகும்.

'ஜிபிஎஸ்', 'புளூடூத்', 'வை-பை', 'டீவி டியூனர்' ஆகிய வசதிகளையும் 3 'மெகாபிக்ஸல்' கெமரா வசதியையும் இந்த உபகரணம் உள்ளடக்கியுள்ளது.

'512 எம்பி' + '512 எம்பி' உள்ளக நினைவாற்றலை இது கொண்டுள்ளதுடன் இதனை '32 ஜிபி' வரை 'மைக்ரோ எஸ்டி' இன் மூலம் அதிகரித்துக் கொள்ளவும் முடியும்.

இதன் விலை இன்னும் உத்தியோகபூர்வமாக அறிவிக்கப்படவில்லை. எனினும் 500 அமெரிக்க டொலர் வரை விலை மதிப்பிடப்படலாமென தெரிவிக்கப்படுகின்றது.

இலங்கை மத்திய வங்கியானது தனது 60 வருட நிறைவை (வைர விழா) எதிர்வரும் 28ஆம் திகதி பூர்த்தி செய்கின்றது.

இதனையொட்டி புதிய ரூபா நோட்டுக்கள், நாணயங்கள் மற்றும் முத்திரை என்பனவற்றை வெளியிடவுள்ளது.

இலங்கை மத்திய வங்கி 1950 ஆம் ஆண்டு நிறுவப்பட்டது.

நிறைவு விழாவில் நிதியமைச்சின் செயலாளர் கலாநிதி பி.பி. ஜயசுந்தர சிறப்புரை ஆற்றவுள்ளார்.

மேலும் சர்வதேச ஆய்வு மாநாடும் தெற்கிழக்காசிய நாடுகளின் மத்திய வங்கி ஆளுநர்களின் சிறப்பு மாநாடும் நடைபெறவுள்ளன. பல்வேறு மத வழிபாடுகளுடன் கேளிக்கை நிகழ்வுகளும் ஏற்பாடு செய்யப்பட்டுள்ளன.

மேற்படி கொண்டாட்டங்கள் எதிர்வரும் 27 ஆம் திகதி முதல் தொடங்கவுள்ளன.

இலங்கை சுதந்திரமடைந்த பின்னர், நாட்டின் பொருளாதார அபிவிருத்தி ஊக்குவிப்பு, நிதித் துறையொன்றுக்கான தேவை மற்றும் ஒழுங்கான நாணயக் கொள்கையொன்றின் தேவை என்பனவற்றினை கருத்தில் கொண்டு அரசாங்கம் மத்திய வங்கியை அமைத்தது.

அதற்கு முன்னர் நாட்டின் நிதிசார் செயற்பாடுகள் நாணய சபை முறையினால் மேற்கொள்ளப்பட்டு வந்தன. ஆனால் 1948ஆம் ஆண்டு இதன் செயற்பாடுகள் போதியவையாக காணப்படவில்லை.

இதனைக் கருத்தில் கொண்டு இலங்கை அரசாங்கம் மத்திய வங்கியை இலங்கையில் நிறுவுவதற்கான நிபுணத்துவத்தை அமெரிக்காவிடம் கோரியிருந்தது. அமெரிக்காவும் பொருளியலாளர் ஜோன் எக்ஸ்டர் என்பவரை இதற்கென நியமித்தது.

இவரின் ஆய்வு அறிக்கை மற்றும் சட்டரீதியிலான ஆலோசனைகளுக்கமைய, 1949 ஆம் ஆண்டின் 58ஆம் இலக்க நாணயக் கட்டளைச் சட்டத்தின் கீழ் இலங்கை மத்திய வங்கி நிறுவப்பட்டு அதன் செயற்பாடுகள் 1950 ஆண்டு ஆகஸ்ட் மாதம் 28ஆம் திகதி ஆரம்பமானது.

இதன்பின் நாட்டின் நிதியோட்டத்தை சீர்படுத்தல், பண பரிமாற்று வீதத்தினை பேணல், நாட்டின் மொத்த தேசிய உற்பத்தியை அதிகரித்தல், நாட்டின் வளங்களை வினைத்திறனாக பயன்படுத்தல், மற்றும் நாணய வெளியீடு உட்பட பல விடயங்கள் மத்திய வங்கியினால் நிர்வகிக்கப்பட்டு வந்தன.

2000 ஆம் ஆண்டின் பின்னர் பொருளாதார தாராளமயமாக்கல் கொள்கைக்கும் தகவல் தொழில்நுட்ப வளர்ச்சிக்கும் ஈடுகொடுக்கும் வகையில் அது தன்னை நவீனமயப்படுத்திக்கொண்டது. தன் இரு இலக்குகளைப் பிரதானமாக நிர்ணயித்துக் கொண்டது.

1) பொருளாதார மற்றும் விலை என்பனவற்றின் ஸ்திரத்தன்மையைப் பேணல்

2) நிதியியல் கட்டமைப்பின் ஸ்திரத்தன்மையைப் பேணல் என்பவையே அவையாகும்.

எது, எவ்வாறாயினும் இலங்கை போன்ற ஒரு வளர்ச்சியடைந்து வரும் நாட்டுக்கு மத்திய வங்கியின் செயற்பாடுகள் மற்றும் சேவைகள் அளப்பரியன என்றால் அது மிகையல்ல.

ச.கவிந்தன்

25 ஆகஸ்ட் 2010


அம்பாந்தோட்டையில் நிர்மாணிக்கப்பட்டு வரும் துறைமுகமானது 30 வருட உள்நாட்டு யுத்தத்திற்கு பின்னர், இலங்கை பொருளாதாரத்தில் வளர்ச்சி பெறவும் ஆசியாவின் முக்கியமான பொருளாதார கேந்திர மத்திய நிலையமாக தன்னை தரமுயர்த்த வழிகோலுமெனவும் தெரிவிக்கப்படுகின்றது.

இலங்கையின் தென் கரையோரத்தில் சீனாவின் உதவியுடன் சுமார் 6 பில்லியன் டொலர் முதலீட்டில் மேற்படி துறைமுகமானது அமைக்கப்பட்டு வருகின்றது.

இத்துறைமுகம் இலங்கையில் இதுவரை மேற்கொள்ளப்பட்டுள்ள பொது கட்டுமானத் திட்டங்களில் மிகப் பெரியது.

இந்து சமுத்திரத்தினை வருடாந்தம் கடந்து செல்லும் சுமார் 70,000 வரையான கப்பல்களின் மூலம் புதிய வியாபார வாய்ப்புகளைப் பெறமுடியுமென இலங்கை அரசாங்கம் எதிர்பார்க்கின்றது.

இத்துறைமுகத்திற்கான முதல் கப்பல் இவ்வருடம் நவம்பர் மாதம் இங்கு நங்கூரமிடவுள்ளது.

முதற்கட்டமாக வருடாந்தம் 2,500 கப்பல்களை இங்கு தரித்து வைக்க முடியுமெனத் தெரிவிக்கப்படுகின்றது.

இலங்கையின் புவியியல் அமைவிடமே இத்துறைமுக நிர்மாணிப்பில் முக்கிய செல்வாக்கு செலுத்தும் காரணியாக விளங்குவதாகவும், இதன் காரணமாக ஜப்பான், கொரியா, சீனா, மேற்கு அமெரிக்கா மற்றும் ஐரோப்பிய நாடுகளுக்கு விஜயம் செய்யும் கப்பல்கள் தேவையான எரிபொருளினை நிரப்பிக் கொள்வதற்காகவும், பழுது பார்த்துக் கொள்வதற்காகவும் இத்துறைமுகத்தைப் பயன்படுத்தும் எனத் தெரிவிக்கப்படுகின்றது.

மேலும் அரேபிய நாடுகளுக்கான இலங்கையின் 'புராதன பட்டு' ப் பாதையை மீளப் புதுப்பிக்க, இது ஒரு வாய்ப்பாக அமையுமெனவும் தெரிவிக்கப்படுகின்றது.

இந்நிர்மாணப் பணிக்கான 85% நிதியை சீன அரசும் 15% நிதியை இலங்கை துறைமுக அதிகார சபையும் வழங்குகின்றன.

சீனா ஆரம்பக்கட்ட கடன் தொகையாக 425 மில்லியன் அமெரிக்க டொலர்களைக் கடனாக வழங்கியுள்ளதுடன் அதன் நிர்மாணப் பணியிளுக்கும் முக்கிய உதவிகளைச் செய்துவருகின்றது.

சீனாவின் இந்நடவடிக்கையானது இந்தியாவினை பெரும் கவலைக்குள்ளாக்கியுள்ளமை குறிப்பிடத்தக்கது. சீனாவின் ஆதிக்கம் தென் ஆசியாவில் அதிகரித்து வருகின்றது.

மேலும் பாகிஸ்தான், பர்மா, மற்றும் பங்களாதேஷ் ஆகிய நாடுகளிலும் சீனா துறைமுகங்களை நிர்மாணித்து வருகின்றது. இதன்மூலம் இந்தியாவைச் சுற்றிவளைத்து வருகின்றது எனவும் இது இந்தியாவின் தேசிய பாதுகாப்புக்குப் பாரிய அச்சுறுத்தலெனவும் இந்தியா கருதுகின்றது.

ஆனாலும் இந்தியாவின் இவ்வெண்ணம் தவறானதெனவும் இது முற்றிலும் வர்த்தக நோக்கத்தினை அடிப்படையாகக் கொண்டதெனவும் இலங்கை தெரிவிக்கின்றது.

மேற்படி துறைமுகத்தின் நிர்மாணப்பணிகள் சீனாவின் 'சைனீஸ் ஹார்பர் இன்ஜீனீரிங்' மற்றும் 'சீனோஐத்ரோ கோர்ப்பரேசன்' ஆகிய நிறுவனங்களினால் மேற்கொள்ளப்பட்டு வருகின்றன

நிர்மாணப் பணிகள் நிறைவடைந்ததும், துறைமுகப் பணிகளில் 50,000 பேர் வரை வேலைவாய்ப்பினைப் பெறமுடியும் என எதிர்ப்பார்ககப்படுகின்றது.

மேலும் இந்தியாவினால் இங்கு நிர்மாணிக்கப்படவுள்ள சர்வதேச விமான நிலையம், 500 ஏக்கர் பரப்பளவில் நிர்மாணிக்கப்பட்டு வரும் சபாரி பார்க் மற்றும் 2011 உலகக் கிண்ண கிரிக்கெட் போட்டிக்காக அமைக்கப்பட்டுவரும் புதிய மைதானம் என்பன இலங்கையின் பொருளாதார வளர்ச்சிக்கு பெரிதும் வலு சேர்க்குமெனவும் எதிர்பார்க்கப்படுகின்றது.

ச.கவிந்தன்
'ஒலிவ் டெலிகொம்' என்பது இந்தியாவில் உள்ள பிரபல தகவல் தொழில்நுட்ப சாதனங்களை உற்பத்தி செய்யும் ஒரு நிறுவனமாகும்.

'ஒலிவ் ஸிப்புக்' எனப்படும் இந்தியாவின் முதலாவது 3ஜி தொழிநுட்பத்துடன் கூடிய ' நெட் புக்' மற்றும் 'ஒலிவ் விஸ்' எனப்படும் இந்தியாவின் முதலாவது 3 'சிம்'களைக் கொண்டு இயங்கக் கூடிய கையடக்கத் தொலைபேசி என்பன இதன் முக்கிய தயாரிப்புக்களாகும்.

இந்நிலையில் அந்நிறுவனம் இந்தியாவின் முதல் 3.5 ஜி தொழில்நுட்பத்தில் இயங்கும் 'டெப்லட்' ரக கணினியை அண்மையில் அறிமுகம் செய்தது. கையடக்கத் தொலைபேசியாகவும் உபயோகிக்க முடியுமென்பதே அதன் சிறப்பம்சமாகும்.

'ஒலிவ் பேட் விடி 100' என இவ்வுபகரணம் அழைக்கப்படுகிறது. இது 7 அங்குல தொடுந் திரையைக் கொண்டுள்ளது.

'கூகுளி'ன் 'அண்ட்ரோயிட்' இயங்கு தளத்தினைக் கொண்டு இயங்குகின்றமை இதன் மற்றுமொரு சிறப்பம்சமாகும்.

'ஜிபிஎஸ்', 'புளூடூத்', 'வை-பை', 'டீவி டியூனர்' ஆகிய வசதிகளையும் 3 'மெகாபிக்ஸல்' கெமரா வசதியையும் இந்த உபகரணம் உள்ளடக்கியுள்ளது.

'512 எம்பி' + '512 எம்பி' உள்ளக நினைவாற்றலை இது கொண்டுள்ளதுடன் இதனை '32 ஜிபி' வரை 'மைக்ரோ எஸ்டி' இன் மூலம் அதிகரித்துக் கொள்ளவும் முடியும்.

இதன் விலை இன்னும் உத்தியோகபூர்வமாக அறிவிக்கப்படவில்லை. எனினும் 500 அமெரிக்க டொலர் வரை விலை மதிப்பிடப்படலாமென தெரிவிக்கப்படுகின்றது.

16 ஆகஸ்ட் 2010


  ' கூகுள் மீ ' என்ற சமூக வலைப்பின்னல் தளமொன்றினை கூகுள் இரகசியமாக உருவாக்கி வருவது அனைவரும் அறிந்த விடயம்.

கூகுள் இது தொடர்பாக உத்தியோகபூர்வ அறிவிப்பு எதனையும் இதுவரை மேற்கொள்ளவில்லை.

இந்நிலையில் தனது மற்றைய சேவைகளான 'ஜீ மெயில்' எனப்படும் மின்னஞ்சல் கணக்கு, கூகுள் பஸ் மற்றும் அதன் மற்றைய வெளியீடுகளை அடிப்படையாகக் கொண்டும் ' ஸ்லைட் ' மற்றும் ' சிங்கா ' ஆகியவற்றினை உபயோகப்படுத்தியும் தனது சமூக வலைப் பின்னல் தளத்தினை உருவாக்கி வருவதாகப் புதிய தகவல்கள் கசிந்துள்ளன.

' ஸ்லைட் ' நிறுவனமானது மற்றைய சமூக வலைப்பின்னல் தளங்களான ' மைஸ்பேஸ் ' மற்றும் 'பேஸ்புக்' ஆகியவற்றுக்கு மென் பொருட்களை உருவாக்கிய நிறுவனம்.

இந் நிறுவனத்தை கடந்த 4ஆம் திகதி கூகுள் விலைக்கு வாங்கியது.

மேலும் ' சிங்கா ' எனப்படும் ' மைஸ்பேஸ் ' மற்றும் 'பேஸ்புக்' ஆகியவற்றுக்கு இயங்குதளம் சார்ந்த விளையாட்டுக்களை உருவாக்கிய நிறுவனத்தில் கூகுள் 100 மில்லியன் டொலர்களை முதலீடு செய்துள்ளமையும் குறிப்பிடத்தக்கது.

கூகுளின் இத்தகைய நடவடிக்கைகளானது, பாவனையாளர்களுக்குப் புது வகையான அனுபவத்தினை தரும் நோக்குடன் மேற்கொள்ளப்பட்டு வருவதாகவும் இத்தளத்தில் கணினி விளையாட்டுக்களுக்கு முக்கியத்துவம் அளிக்கப்படவுள்ளதாகவும் தெரிவிக்கப்படுகிறது.

கூகுளின் மற்றைய சேவைகளான கூகுள் 'எப்ஸ்', கூகுள் 'வொயிஸ்', கூகுள் 'ரீடர்' மற்றும் 'ஐ' கூகுள் போன்றவற்றின் பாவனையாளர்களைத் தனது கூகுள் 'மீ' தளத்திற்கான இலக்காக கூகுள் கொண்டுள்ளதாகத் தெரிவிக்கப்படுகின்றது.

ஏற்கனவே கூகுள் நிறுவனம் கூகுள் 'பஸ்', 'ஓர்குட்' ஆகிய சமூக வலைபின்னல் தளங்களை உருவாக்கி தோல்வி கண்டுள்ளது குறிப்பிடத்தக்கது.

'பேஸ்புக்'கின் பிரமாண்ட வளர்ச்சி மற்றும் அதிகரித்து வரும் மற்றைய தளங்களின் எண்ணிக்கை என்பன கூகுளின் இன்னும் அறிவிக்கப்படாத கூகுள் 'மீ' தளத்தின் வெற்றிக்குப் பெரும் சவால்களாக விளங்குகின்றன.

கூகுள் அண்ட்ரோயிட் மொபையில் எனப்படுவது கூகுளின் அண்ட்ரோயிட் இயக்குதளத்தின் மூலம் இயங்கும் கையடக்கத் தொலைபேசிகளாகும்.

இக்கையடக்கத் தொலைபேசிகளானது உலகம் பூராகவும் மிகவும் வேகமாக விற்பனையடைந்து வருவதும் போட்டியாளர்களை தனது வேகமான விற்பனை மூலம் அதிர்ச்சியடையச் செய்துவருவதும் நாம் அனைவரும் அறிந்த விடயமாகும்.

இந்நிலையில் முதல் முறையாக அக் கையடக்கத் தொலைபேசிகளது 'ட்ரொஜன்' எனப்படும் தீங்கு நிரலினால் (மெல்வெயார்) தாக்கப்பட்டுள்ளதாக பிரபல மென்பொருள் பாதுகாப்பு நிறுவனமான கெஸ்பர்ஸ்கை அறிவித்துள்ளது.

இது 'ட்ரொஜன்'- எஸ்எம்எஸ்.அண்ட்ரோயிட் ஒஸ்.பேக்பிளேயர் என்று பெயரிடப்பட்டுள்ளது.

மேற்படி 'ட்ரொஜன்' ஆனது மீடியாபிளேயர் மென்பொருள்போல தோற்றமளிக்கும் ஒரு தீங்கு நிரலாகும். குறுந்தகவல்கள் மூலம் பாவனையாளரின் கையடக்கதொலைபேசியை அடையும் மேற்படி தீங்கு நிரலானது 13 கெபி அளவினைக்கொண்டதாகும்.

பிறகு அதன் பாவனையாளர்கள் அதனை தமது கையடக்கதொலைபேசிகளில் நிறுவும் (இன்ஸ்டால்) படி அறிவுறுத்தப்படுவர்.

அவ்வாறு அதனை நிறுவியதும் பாவனையாளர்கள் அறியாத வண்ணம் இரகசியமாகக் குறிப்பிட்ட பாவனையாளரின் கையடக்கதொலைபேசியிலிருந்து பல்வேறு பாவனையாளர்களுக்கு அது குறுந்தகவல்களை அனுப்பத் தொடங்கும்.

அந்த ஒவ்வொறு குறுந்தகவல்களும் 5 டொலர்கள் வரை நட்டத்தினை ஏற்படுத்தக்கூடியதாகும்.

இதன் மூலம் வாடிக்கையாளர்களுக்கு பெருந்தொகையை இழக்கநேரிடும். தற்போது இந்த 'ட்ரொஜன்' ரஸ்யாவிலேயே கண்டுபிடிக்கப்பட்டுள்ளது.

இதனால் இவ்வகை கையடக்கத் தொலைபேசி பாவனையாளர்கள் அவதானமாக இருக்கவேண்டுமென கெஸ்பர்ஸ்கை நிறுவனம் அறிவித்துள்ளது.